چایچ برد یده ،منقلتک طفت یدی..!

یابه انتم لیش بعد؟ ربیتونه علی الگعدات و سوالف و صله الرحم و هذه تالیتکم ؟ چنه نگعد علی سوالفکم و نسمع عن التقالید و التاریخ و القران و شوفنه هسه . کلمن غرگان اب نقاله و مایشیل راسه حتی ایجواب سلامک . لایشوفک عین ابعین و انت لاتجاوبه ابحراره و صداقه و حنان . اشسوت بینه التکنولوجیه . خلیتنه بعیدین بعیدین بعیدین عن بعض و لاندری اب دنیاتنه طشت لو رشت . خلت خوتنه بس بلواتساب و حناننه بل تلغرام و صحبتنه بلوایبر و ابنک لو گعد ابحضنک لا انت اتشوفه و لا اهوا هم ایحس ابحنانک .

خله بیبیتی الی چایهه دایم امخدر تنسه الچای و خله یدی الگهوته دووم امجهزه ینسه الفنیان و خله کل السلف ایترکون و ینسون المحیبس .یابه اشصار بینه ؟ طشرنه الزمان و احنه یم بعض. اشگد گلبی مشتاق علی دللولچ یا یما ، من چنتی اتحضنینی و اتسولفیلی من الامثال و القصص و چنت اشبگچ و اشم عطر مسچ البشیلتچ و اغفه اب امان و احلم بلنجاح . عمل منقلتک یدی ، خدری الچای بی بی ، خلونه انحس حنان و محبه و شوق اب هل وکت المثلج . یابه تفارگنه و ماتت صحبته . متی ترجع لمتنه؟؟

 عباس مدحجی