یومیات تسواهن…..

سید نشعان آلبوشوکه :های کم یوم ابوجاسم الله هداء وگعد بل بیت ومایطلع بدوات، بس ایدوُر الحجه علی ضیجه الخلگ، نوب ایدردم عل قنوات التفاز، لیش ماعدهم مسلسلات حلوات؟ ونوب ایرید شای علی موگد؟ ، گتله یا رجّال ادری بلله ابهل لیل اسویلک موگد؟ عدنه منقله وفحمات وتره الموگد ولمنقله، نفس الشی، گال لا بل الموگد الشای طعمه یفرق! ، ماطیل علیکم، رضه ابشای المنقله، خدّرت الشای و صبیت اله استکانه و جاسم خذه السینیه عود ایحطها جدام ابو او لن صوت انفجار هزنه هز ولکهرباء انگطعت، جاسم یفل من الصوت ولظلام دامس، ویچب الشای علی ابو، ولن ابوجاسم، صاح یابویه احترگ ونعاب زری، حسّبت ایغنی مقام اهوازی بس لا شفت الرجال ضل ایصیّح ویشتم علی جاسم: ایا مصیوب ادری عمه؟ ماتشوف؟ ، جاسم گله بابا والله ماشفتک، لا… اهناک وسمعت صوت راشدی، گلت علگت، ابوجاسم خذه من جاسم راشدی، جاسم هم گطف السینیه علیْ وطلع بره، ابوجاسم بعده ایدردم.

جاسم رجع بس الحمدلله هل مره علگ ضوه النقال ماله، گتله ها یما، گال اوووو الوایر مگطوع وطایح وسط الشارع، نعله علی ابهاتهم های الوایرات اسنین بایدات ولا ایبدلونهن، موتقصیرهم تقصیر اهل المحله کون نطلع ونسد الشارع حتی بکلت الله ولمسئولین ایسمعون صوتنه… گتله بلله ریّض، اولا شنو انته طلعت من اهل غیزانه وکفو اتسد الشوارع؟ ،ثانیا احنه بیتنه ابدربونه او بل شهر سیاره وحده ماتمر بلله اتسد الشارع علی الطناطله؟

الحر کتلنه وطلعنه بلحوش، ساعه ولن الباب انطگ، جاسم فتح الباب ولن مامور الکهربا. عود اجو یعدلون الکهربا النه، اثاری من اجو وشافو الوایر من العمود ۶۸ مگطوع، توه یاالله اتذکرو ماجایبین فازمتر ویاهم، ومایدرون الوایر بی کهربا لو لا ویخافون ایجیسونه، الحاصل جابو البیوت سره ابهل ظلمه ایدگون البیبان علی الوادم بلله عدهم فازمتر لو لا؟ من اجونه وگل لبوجاسم :اقا فازمتر ندارین، ابوجاسم بس ما شگ زیجه ابوجها گله ولک خودتون اداره ،اشطولها وشعرضها ماعدکم فازمتر جاینی انه ابهل ظلمه اترید منی فازمتر؟!!!.

بعد ما ایّسوْ من اهل المحله وماحصّلو فازمتر اتصلو علی المرکز، الطریفه المرکز گللهم الفازمتر عد ال اکیب الثانی ورایحین للحمیدیه!!! .

ردیت اسولف ویه روحی گلت ای یروحی بلله هسه های السالفه من اسولفه یاهو ایصدگنی، صدگ چذب الکهربا تنگطع ومن بعد ساعتین من یجون ماجایبین ویاهم معدات، ادری جایین فیرضه لو یاخذون عطوه